منتديات لارسا


 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 أبوذية .. ودارمي.للشاعر محمد رحيمة الطائي

اذهب الى الأسفل 
كاتب الموضوعرسالة
Admin anmar
Admin
Admin
avatar

ذكر
عدد المساهمات : 165
تاريخ التسجيل : 08/04/2009
العمر : 28
الموقع : العراق

مُساهمةموضوع: أبوذية .. ودارمي.للشاعر محمد رحيمة الطائي   الأربعاء أغسطس 05, 2009 8:56 am

أبوذية .. ودارمي


هو: عليّ ثوب الونــــين اشكثـــــر .. حالي

شباب وهل شبت مـــــــــــــــن دون .. حالي

انشدج على احوالج مثــــــــــــــــــل .. حالي

طايــــــــح والهموم اتشيل بيـــــــــــــــــــــه





هي: هموم هواك ما خلــــــــن .. علي حال

فريضة وحبك مـــــــــــــــن الله .. علي حال

يالتنشد على حالـــــــــــــــــــي .. علي حال

شيفيد النشد عالصار بيــــــــــــــــــــــــــــه





هو: الج بس انتي كلبــــــــــــي .. ورجيته

ودمع العـــــــــين يمــــــــــــــج .. ورجيته

ابتعد كلمــــــــــــــــــــن نخيته .. والرجيته

ولا واحــــد اجانــــي وحــــــــــــــــن عليه





هي: رعيتك ليش كلبـــــــــك .. ما رعاني

ويهمــــك فت دليلـــــــــــــي .. وما رعاني

مره احبس بدمعــــــــــــــي .. ومره اعاني

ومره اتطيح روحي ابين اديــــــــــــــــــــه





هي: هجرك ياولف صايــــــــر .. بلا حد

مثــــل سيف اليكص ركبــــــــه .. بلا حد

رحت وآنه انتظـــر ترجــــــــــع .. بالاحد

اجه الاحـــــد ويمتــــــه اتعود اليـــــــــــه





هو: احد سجين صبري وجــن .. ولاحد

التفت وما شفــــت ربعـــــــــي .. ولا حد

شجم سبت اليمــــــــر بيــــــــه .. والاحد

اجي بس شوفتــــــــــج تصعب عليـــــــه





هي: لتهم بالعمر خلصـــان .. وحـــــده

وأنا ضعني سرى بالهــــوى .. وحــــــده

حلت جنها بعيونـــــك غير .. وحــــــــده

وكمت لاتسأل ولاتمـــــر بيــــــــــــــــــه





هو: غيرج ماحلى ابعينـــــي .. ولاطاب

ولا دونج دخل كلبــــــــــــــي .. ولاطاب

يجرحي وياج ماهَّــــــــــــود .. ولاطاب

دم ينزف ولا تدريــــــــن بيـــــــــــــــــه





هي: محبتك تجري وي روحي .. ويدماي

وعليك انشلت اعظامــــــــــــي .. ويدماي

انجويت أبأيـــــــــد أنا نــــاري .. ويدماي

ولكن مـــــن يطابكهــــــــن سويــــــــــــه





هو: عليج الروح راحــــت .. من يردهه

أوكيحه اهمومي صــــــارت .. من يردهه

خطيه الروح ملـــــــــــــــت .. من يردهه

لأن بس الصبر لبــــــــــــس العليــــــــــه





هو/ آنه اللي عيني اعليج واصل عماها

اتحدى كل الناس تبجي أبجاهــــــــا



هي/ وآنه الدموع اعليك ابجيها اشكال

وتدري انت فص العين من وشلت سال




هو/ صاحو عليَّ الناس واسمع ولا جن

كالوا خذاه الشوك هذا الولد جـــــــــن




هي/ لو تدري آنه اشلون مبتليه بيهم

عمدة من امر يحجون باسمك حجيهــم




هو/ خل تحجي كل الناس بالج تصدكين

ولا يبقى فكرج دوم بيهم تفكريــــــــــــــن




هي/ ماصدك الينكال بس بيك اصدك

لن نبضي آنه وياك كل ثانية ايـــــــــــدك




هي/ لو تدري حالي اشلون من بعدك اشصار

جا كلت عفيه اعليك متحمله النار




هو/ شوفي آنه حالي شلون من كثر الهموم

بس رسم فوك الكاع سترني الهدوم




هي/ اتمنى طيرة الروح واوصل واحاجيك
واكعد وحط الهموم يمك وابجيــــــــك
__________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://anmar-humam.akbarmontada.com
 
أبوذية .. ودارمي.للشاعر محمد رحيمة الطائي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات لارسا :: القســــم الادبــــي :: منتدى الابوذيات والدارمي-
انتقل الى: