منتديات لارسا


 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 ابوذيه ودارمي وعتابه وسويحلي وزهيري (تأليفاتي)موسوعة الشعر الشعبي

اذهب الى الأسفل 
كاتب الموضوعرسالة
Admin anmar
Admin
Admin
avatar

ذكر
عدد المساهمات : 165
تاريخ التسجيل : 08/04/2009
العمر : 28
الموقع : العراق

مُساهمةموضوع: ابوذيه ودارمي وعتابه وسويحلي وزهيري (تأليفاتي)موسوعة الشعر الشعبي   الأربعاء أغسطس 05, 2009 8:50 am



===== ابوذيه =====
وحك الي براقه ابليل اسرى
نحبكم حب جنون وبيه اسرى
حلم نلتم سوى ونصير اسرى
اصير انه الك وانته اليه
===============
حبي المانشد عني ولا سال
ودمعي ماجره الغيره ولا سال
ابــــــشرك لامرض بيه ولا سل
بس هجرك حبيبي العم عليه
================
==== دارمي =====
حزني بغيابك صار حزن ازغر النوك
مرعوبه والكصاب ماخذها للسوك

هم همي هم الناس هم هم الطيور
شفت الصكر ياناس حارس عليه عصفور

اكدر اسكت الناس ام وخوتك
لكن شكول لهواك لودره بموتك
===========================
======= عتابه =========
تعال وشوف كلبي من بعدكم
حزين ومايحب احد بعدكم
لوطال العمر وانتو بعدكم
يضل حبكم ابكلبي الى يوم الحساب
================
ركبت براس كوكب وين اهلنا
ندور بالمنازل وين اهلنا
يهل طرف المجابل وين اهلنا
غدو عني وعنك چالسراب
=================
====== سويحلي =======
مرسالين دزيت الك والثالث اجيت اني
شنهو اسباب الزعل وينكم يخلاني
======================
مريت للدار لني الدار تشكيلي
يدار وين ارحلو اهل التعاليلي
==================
سل سلني سل فركاك سل سل عظامي
خلاني عكس الناس امشي على هامي
=======================

============ زهيري =============
ياترف حبك تره خلاني اكتب شعر
وكلبي الغيرك ابد مارف حنينه وشعر
تلفان ضليت وشاب الكلب والشـــــعر
ابحر الهموم اغركت وانته الفرح من هلك
بالروح ماضل صبر راح اخطفك من هــــلك
اسئل الحبو كبل من الناس منهو هلـــــــك
عكب الدلال اصبحت بصحراء وبيت الشــــعر
=======================================
ياترف هيهات من عشرت اودادك نمل
ايظا ولايوم من ادروب الموده نميل
وما أنت فاضي من هلك مانمل
وياما بچينا الفركاك والدمع يجري
وأدري بطبعك وفي أو علولف يجري
أنته تدلل وكلشي الخاطرك يجري
لجل عينك ايهون لوتطلب حليب النمل
==============================
بجفاك دمع الحزن فوك الوجن ساري
وانته بعيد الدرب عنب رحلت ساري
أنشلت يميني كبل مانشلت ايساري
واصبح حسافه الملح مايرهم بجدري
وجدري يدنيا علي ثوب الفكر جدري
أنچان ساري ارتمه وصابوا مرض جدري
اني الجرالي يخوي ايهون عد ساري
================================================== =
مع اطيب تحياتي وتمنياتي لكم بالموفقيه



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://anmar-humam.akbarmontada.com
 
ابوذيه ودارمي وعتابه وسويحلي وزهيري (تأليفاتي)موسوعة الشعر الشعبي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات لارسا :: القســــم الادبــــي :: منتدى الابوذيات والدارمي-
انتقل الى: